GAMIFICACIÓN EN 5ºEP

Este curso, o alumnado de quinto de educación primaria xunto co seu profesorado está a levar a cabo un aula 3.0, mediante a utilización dunha metodoloxía baseada na gamificación.

A gamificación consiste no uso de técnicas, elementos e dinámicas propias dos xogos e o ocio en actividades non recreativas co fin de potenciar a motivación, así como de reforzar a conduta para solucionar un problema, mellorar a produtividade,​ obter un obxectivo, activar a aprendizaxe e avaliar a individuos concretos.

Para desenrolar esta idea decidimos partir do mundo dos corsarios, creando unha realidade educativa diferente na que a súa escola é unha academia pirata na cal os grumetes terán que ir superando diferentes retos e misións ata conseguir converterse nuns verdadeiros piratas.

Ao longo desta complicada aventura utilizaremos diferentes ferramentas que nos irán permitindo conquistar os máis apreciados tesouros que se atopan escondidos máis aló dos sete mares. Vexamos algúns exemplos.

Edmodo será o centro de mandos dende o que guiaremos a nosa aventura, permitindo comunicarnos cos nosos e nosas grumetes, abrir a aula ao exterior e facilitar o acceso aos contidos dende a casa.

 Con Padlet os grumetes poderán compartir os seus traballos cos seus compañeiros e ver os diferentes puntos de vista sobre unha mesma idea.

Cos taboleiros poderán aprender de forma interactiva os contidos dos temas traballados accedendo a xogos, esquemas, videos e varios retos para atopar o tesouro agochado. VER


Para chegar preparados ás nosas misións, facemos diferentes xogos de repaso: hundir a flota, ao abordaxe, cruzar a taboa,… VER