ACTIVIDADE ESCOLAR

Neste apartado podedes ver alguna das actividades que o alumnado está a facer e a adaptación das formas de traballo ás normas de seguridade que temos que seguir.

VIII EDICIÓN DO MINIMARKET (4º ESO A)

O alumnados de 4º ESO A participou o martes día 7 na VIII Edición do Minimarket da Asociación de Jóvenes Emprendedores de Ferrolterra. Nela presentaron tres proxectos empresariais que estiveron a preparar durante varios obradoiros realizados no centro  ao longo dos últimos meses. Parabéns por un gran traballo e por unha excelente presentación ante o xurado

Os peques de 4 anos na súa aventura granxeira, aprenderon hoxe o bonito oficio dos Veterinarios🧑‍⚕️ , e de comoo axudan , coidan e curan aos nosos queridos amigos da Granxa.🐮🐭🐷

Así os nosos peques , ataviados coas súas batas e útiles de enfermería coidaban así dos nosos amiguños o  coelliño , canciño , vaquiña e galiña.

 

 

PROXECTO "A GRAVIDADE" FÍSICA E QUÍMICA 2ºESO

 

PROXECTO SALVEMOS O PLANETA 1ºEP

O alumnado de 1º de primaria puxo en marcha as aprendizaxes sobre as plantas e como facer a plantación.  Ademáis reciclaron os recipientes seguindo o proxecto "Salvemos o planeta"

 

TRABALLANDO AS PROPORCIÓNS CO TANGRAM EN 1º ESO

O alumnado de 1º de ESO traballou, na materia de Matemáticas, a unidade didáctica das fraccións e as proporcións mediante unha actividade manipulativa. Este pequeno proxecto consistiu nun TANGRAM feito por eles mesmos partindo dun cadrado e dividíndoo en triángulos, romboides e cadrados mediante dobreces e sen axuda de regras ou tesoiras e dándolle cor. Finalmente, o alumnado puido comprobar se a realización da actividade foi correcta mediante a suma das fraccións asignadas a cada figura. Esta actividade contribui a reforzar os contidos involucrados nela e a achegar as matemáticas á realidade do alumnado, facéndoas mais tanxibles.

Podedes ver mais fotos desta actividade facendo clic AQUÍ.

 

ACTIVIDADE SOBRE RECICLAXE EN 2º EP

O día 4 de abril o alumnado de 2º de primaria tivo unha visita moi interesante. Pel, Idro e Tico viñeron para axudalos coa reciclaxe. Son estupendos! Con eles aprenderon moitas cosas e ademáis troxeron de agasallo para os nenos e nenas de 2º unhas mochilas moi chulas.

 

VAN GOGH

Os maiores de infantil achéganse á figura de Van Gogh facendo unha "adaptación"da súa famosa pintura "La noche estrellada", mentres están a piques de rematar a súa investigación sobre O Espazo. 

Por certo! Aproveitamos un dos nosos percorridos polo cole para visitar a "furgo" do Día Mundial do Autismo.

 

PROXECTO OS PINGÜINS (4 ANOS)

Os pesque da aula de 4 anos visistaron o laboratorio do cole como parte da súa investigación sobre a vida dos nosos amigos os pingüíns🐧. Alí puideron ver como está formado el esqueleto humano e facerse unha idea de como é tamén o do pingüín. Tamén aproveitamos para ver algúns fósiles que están alí gardados.

13º EDICIÓN DO CONCURSO COCA-COLA NOVOS TALENTOS (2ºESO) 

Na mañá do xoves 10 de marzo, 6 alumnos de 2º de Secundaria, Daniela Ferreira Formigo, Ariadna Pérez Couce, Sira Fraga Martínez, Marina Castro Navarro, Senén González Pérez  e Ana Manso López, participaron na 13ª Edición do Concurso Coca-Cola Novos Talentos de Relato Curto para alumnos de 2º de ESO de toda Galicia.

Este ano, a proba volveu ser 100% dixital a través da plataformajovenestalentos.com. Así que, durante dúas horas, tiveron que quentar teclados para crear un relato dun máximo de 800 palabras a partir dun estímulo creativo. 

Tratábase de escribir un relato completamente libre, no que nalgún momento, ao principio, no medio ou ao final do relato, aparecese unha imaxe que debía encaixar ben no argumento.

Desexámoslles a todos eles moita sorte!!

 

PLAN LECTOR EN 4º DE PRIMARIA

Dentro do Plan lector do noso colexio, os nenos e nenas de 4º de Primaria elixiron para traballar o libro "Problemas en el Olimpo" de Ana Alonso.

Os venres acoden á biblioteca para a súa lectura para traballar despois nas clases sobre a lectura que fixeron.

 

CHARLA ACOSO ESCOLAR 1º ESO

O día 22 de febreiro o alumnado de 1º de ESO tivo unha charla cunha inspectora da comisaría de policía de Ferrol sobre o acoso escolar, temática inserida dentro do  Plan Director da Policía Nacional.

Definiuse dun xeito claro que era o acoso escolar e en que contextos ten lugar, xa que, non só se produce no centro educativo. Neste sentido, contémplanse tamén outros espazos como a entrada e saída dos centros, nas súas proximidades...

Tamén se explicaron diferentes tipos de Ciberbulling: sexting,  sextorsión, flaming, grooming, stalking, harasment... 

Aclarouse que non había un perfil concreto de vítima e que entre as posibles causas que convertían a un rapaz ou rapaza en vítima estarían as seguintes: marxinación por ser diferentes, non seguir gustos ou tendencias da maioría, ter alto rendemento académico, ter algún tipo de discapacidade, ser moi creativo (“os rapaces creativos son habitualmente obxecto de burlas porque a creatividade é un ben moi escaso”)... en fin, ter algo no que destaco pode converternos  en vítimas.

Déuselle moita importancia á figura da testemuña/espectador, pois rir as grazas dos agresores reforza o comportamento do agresor. Os problemas non se solucionan sós e moito menos se aceptamos os comportamentos humillantes dos agresores. Isto só leva a que a vítima acabe por asumir que ten a culpa e as consecuencias poden ser nefastas.

O acoso escolar soluciónase se damos a voz de alerta, se o comunicamos a pais, profesores, titores, centro escolar, organizacións sociais ou na liña do menor (900202010) e, ante a dúbida, á policía.

A atención e o interese amosado polo alumnado non só ao longo da exposición, senón tamén na quenda das preguntas e respostas, fainos ter presente este tipo de charlas como algo esencial nesta etapa educativa.

 

AS ABELLAS (2ºEP)

Grazas á visita da abella os nenos e nenas de segundo puideron observar e gozar dos animais da contorna máis próxima. Durante estas semanas co noso proxecto, aprendemos unha chea de cousas sobre estes insectos tan pequenos pero á vez tan importantes para a natureza.

Que traballadoras son as abellas!

PROXECTO "CADA CONTO UN VALOR" (3 anos).

A xoaniña Juanita visitou a aula de tres anos, dentro do proxecto anual "Cada conto un Valor".

Tróuxonos Unha caixiña con sorpresa. 

"Dentro atoparedes un agasallo que vos acompañará sempre. Tedes que coidalo"

 
PROXECTO SALVEMOS O PLANETA

O alumnado de 1º de Primaria iniciou un proxecto que ten unha interesante misión: converterse en superheroes e superheroínas para axudar a salvar o noso planeta. Xa vos iremos contando...

PROXECTO CUBOS MODULARES 4º ESO

O alumnado de 4º de ESO elaborou un cubo modular desenvolvendo o seu propio deseño a partir das súas vistas diédricas, perspectiva, maqueta de traballo e volumetría final en cartón. Este proxecto interdisciplinar, nas materias de Educación Plástica e Matemáticas Aplicadas, axudou a mellorar a visión espacial do alumnado e a súa creatividade. Ao final de curso, calcularanse as áreas e volumes dos cubos. Podedes ver mais fotos desta actividade facendo clic AQUÍ.

OBRADOIRO NADAL 5º e 6º de EP

O pasado xoves 2 de decembro, o alumnado de 5º e 6º de primaria participoun nun obradoiro no que elaboraron unha tarxeta de Nadal con sorpresa. Podedes ver maís fotos e un video desta actividade facendo clic AQUÍ

OBRADOIRO NADAL 1º e 2º de EP

O pasado mércores 1 de decembro o alumnado de primeiro e segundo realizaron unha bonita manualidade .Esta é unha pequeña mostra. 

6º DE PRIMARIA NO JOFRE

Durante a mañá do martes, 23 de novembro, parte do alumnado de sexto gozaron da exposición de debuxos sobre edificios emblemáticos de Ferrol, do arquitecto Rodolfo Ucha, no teatro Jofre, onde participaron elaborando eles mesmos os seus deseños, no concurso cidades educadoras promovido polo concello. Grazas a todos pola vosa participación e parabéns aos finalistas!!

 

PROXECTO OS VOLCÁNS. 4ºEP

 

MAPAS 3D EN 5º PRIMARIA

O alumnado de sexto está a traballar O Relevo de España, por iso crearon os seus propios mapas 3D. 


 

 

VOLCANS EN 2º DE PRIMARIA

Ante a realidade que estamos a vivir na illa da Palma, o alumnado de segundo estivo traballando as características dos volcáns. 

Realizaron un experimento para simular a lava.