Lestonnac Ferrol

O día  3 de marzo a etapa de Secundaria visitou a cidade de Lugo.

Na exposición sobre  Lugo Romano, o alumnado de 3º e 4º coñeceu a transición do campamento romano á cidade amurallada e como se desenvolvía a  vida en Lucus Augusti: como era o día dun habitante da cidade.

Pola súa parte, o alumnado de 2º e 3º  participou nunha actividade que tiña como obxectivo mostrar, a través dos restos arqueolóxicos, como era a vida no Paleolítico, Neolítico, Idade dos Metais, Cultura Castrexa e Cultura Romana.

Antes do xantar fixeron un percorrido pola Muralla Romana, Patrimonio da Humanidade dende o ano 2000. E para rematar a xornada, organizáronse en diferentes grupos para tentar superar una serie de probas que lles serviron para coñecer o casco histórico da cidade..

Podedes ver imaxes desta saída facendo clic AQUÍ

O pasado 13 de febreiro o alumnado de 5º e 6º de primaria xunto coas súas familias participaron nun obradoiro para realizar os disfraces que lucirán no próximo entroido. Os de 5º prepararon uns los incribles patíns con materiais reciclados mentres que os de 6º fixeron un cinto e unhas luvas de boxeo.

Podedes ver imaxes destes obradoiros facendo clic AQUÍ

O 12 de febreiro a compañía de ópera Galaxy recibiu a visita de antón cortizas para traballar a expresión escrita.

Podedes ver imaxes desta visita facendo clic AQUÍ

O 11 de febrero A compañía de ópera Galaxy visitou o Jofre para coñecer o teatro por dentro

Podedes ver imaxes desta visita facendo clic AQUÍ

O 13 de febreiro o alumnado de segundo de Educación Primaria realizou unha saída cultural a Exponav, museo  da construción naval situado no edificio de Herrerías na base militar de Ferrol.

O alumnado fixo unha unha visita guiada á exposición permanenta do museo, participou nun obradoiro de nós mariñeiros e tamén nun Escape room.

Podedes ver imaxes desta visita facendo clic AQUÍ

O día 11 de febreiro realizamos unha saída cultural cos nenos e nenas das aulas de apoio. Visitamos a Aula de Ecoloxía Urbana, onde realizamos un obradoiro de reciclaxe. Realizamos actividades de autonomía persoal como o uso do transporte público e manexo de cartos. Despois rematamos cun chocolate con churros.

Podedes ver imaxes desta saída facendo clic AQUÍ

O venres 31 de xaneiro, os alumnos e profesores das aulas de apoio celebraron o Día da Paz no centro de maiores de Caranza.

Fixeron unha actividade moi divertida de baile e pintura.

Un ano máis 5 representantes do alumnado de sexto participou no Concurso “Ecopreguntoiro”de Radio-Voz. Nesta ocasión non puideron pasar á seguinte fase da competición, pero a experiencia foi moi  boa e o alumnado coñeceu o funcionamento desde dentro dun programa de radio.

Durante o primeiro trimestre fixemos moitas actividades divertidas nas aulas de apoio e traballamos as competencias lingüística e matemática, habilidades sociais, atención e memoria, etc, a través de xogos e dinámicas.

Podedes ver unha pequena mostra delas facendo clic AQUÍ

O xoves 5 de decembro, o alumnado de 5 anos visitou o castelo de San Felipe como complemento ao seu pro proxecto sobre os castelos, sen dúbida unha visita moi interesante

Os nosos peques de 4 anos, fixeron unha sesión de grupos interactivos. Esta actividade consiste en realizar un roteiro de diferentes, dinámicas e xogos que fan diariamente na clase, pero neste caso en colaboración coas familas.

Cada unha das familias participantes dinamiza a actividade nun dos equipos, mentres que os nenos van rotando polas diferente actividades.

Un exercicio enriquecedor e motivador, tanto para os nenos como para as familias.

O grupo de convivencia do colexio coordinou unha serie de actividades para conmemorar o 25 de novembroDÍA CONTRA A VIOLENCIA DE XÉNERO.

Este ano participamos no I Encontro Escolar de Ferrolterra “Pola eliminación da violencia de xénero” organizada pola FANPA Ferrolterra Concepción Arenal.

Tratouse dunha acción educativa e simbólica que tendeu pontes entre os 11 concellos da comarca, sendo un programa escolar de sensibilización, prevención e identificación da violencia de xénero.

Todo o alumnado recibíu unha Unidade Didáctica  con contidos adaptados a cada idade, con imaxes que nos sensibilizaron a todas/os, co obxectivo da  prevención  e a  identificación da violencia de xénero. O traballo que se levou a cabo dende as titorías pretendeu  fomentar a igualdade e promover un presente e un futuro libre de violencia de xénero.

Despois de ter feito as actividades propostas, todo o alumnado recibíu un lazo violeta no que escribíu unha mensaxe pola eliminación da violencia de xénero e que máis tarde colgou na celosía colocada na entrada do colexio.

Acelosía do noso centro formou parte da mostra organizada o día 25 de novembro, na Fundación Abanca co resto de celosías  aportadas polos outros  colexios.

Durante o acto un alumno e unha alumna do noso centro (Nuno Llao e Antía Carballo) procederon á lectura conxunta do manifestó 25N. Posteriormente, unha representante da asociación “Clara Campoamor” fíxolles entrega do diploma de participación.

Posteriormente a este acto orgnizado pola Federación de ANPAS, desprazámonos ata os xardíns do cantón de Molíns onde tamén participamos nun acto simbólico de plantación de rosas en recordo das vítimas da violencia de xénero,  que se realizou dentro dos actos  do concello  no que o alcalde, acompañando de toda a corporación   leu o manifestó institucional,  gardando despois un minuto de silencio.

Outra das actividades que levamos a cabo foi a participación no proxecto, presentado pola FAMPA que levaba por título  “A desigualdade de xénero a través da música”.

Estivo enfocada a 5º e 6º de Primaria e a 1º e 2º de ESO e consistíu nunha serie de actividades, realizadas este mesmo día 25N, e  dirixidas por unha mediadora en igualdade, nas que a través da música e as letras das cancións, se plantexaron debates, discusións e reflexións sobre as desigualdades de xénero co fin de despertar o pensamento crítico dos escolares.

Tras ter visto as diferentes dimensións, o alumnado puido propoñer solucións para facer frente ás desigualdades. Posteriormente cada alumno/a recibíu un díptico con contidos de interese para a familia, e unhas gafas violetas, como símbolo do pensamento crítico. Este díptico tamén foi entregado ao resto de alumnado de primaria e secundaria.

Podedes ver imaxes desta xornada facendo clic AQUÍ

O alumnado de primaria tamén tivo a súa degustación de froitos de outono.

Neste caso fíxose nas clases para, posteriormente ter unha sesión de xogos tradicionais.

Podedes ver imaxes desta xornada de xogos facendo clic AQUÍ

O 24 de outubro o alumnado de 4 anos visitou o Museo de Historia Natural de Ferrol, acompañados por Mir e Tamara. Foron ao museo da Sociedade Galega de Historia Natural  para ver esqueletos e fósiles como os que estan a estudar no seu Proxecto dos Dinosaurios, sin duda unha visita fascinante.

Podedes ver algunha imaxe desta saída facendo clic AQUÍ

O pasado 21 de outubro e para celebrar o aniversario do centro de día de Caranza, os alumnos das aulas de apoio do colexio fixeron unha actividade conxunta cos maiores do centro  . Ademáis elaboramos todos xuntos un mural e participamos como xurado no concurso de Meninas que realizaron os diferentes centros de maiores de Galicia.

Podedes ver fotos desta actividade facendo clic AQUÍ